چترال: چترال درياهه ۾ پاڻي جي سطح بلند ٿيڻ سبب بارزين گرم چشمه لٽڪو لنڪ پل ٻڏي ويو.
مقامي اختيارين موجب اها لنڪ پل هڪ مهينو اڳ تعمير ڪئي وئي هئي پر درياهه ۾ پاڻي جي وهڪري ۾ واڌ سبب پل ٻڏي وئي.
مواصلاتي پل ٽٽڻ سبب علائقي جي ڪيترن ئي ڳوٺن جو زميني رابطو ڪٽجي ويو آهي، جنهن سبب شهرين کي آمد و رفت ۽ روزاني ضرورتن جي فراهمي ۾ سخت مشڪلاتن کي منهن ڏيڻو پئجي رهيو آهي.
علائقي واسين لاڳاپيل اختيارين کان فوري طور متبادل انتظامن ۽ متاثر روڊ کي بحال ڪرڻ جو مطالبو ڪيو آهي.
