پاڪستان تحريڪ انصاف جي ميمبر قومي اسيمبلي عادل خان بازئي انڪشاف ڪيو آهي ته ڊپٽي ڪمشنر ڪوئيٽا کيس ڇوڪريءَ جو نمبر موڪليو ۽ ساڻس ملڻ لاءِ چيو. قومي اسيمبلي جو اجلاس اسپيڪر سردار اياز صادق جي صدارت هيٺ ٿيو، اجلاس دوران ميمبرن جي چهرن تي حيراني نظر اچي وئي، جڏهن ته ڪوئيٽا مان پي ٽي آءِ جي حمايت يافته قومي اسيمبلي جي ميمبر عادل خان بازئي انڪشاف ڪيو ته ڊپٽي ڪمشنر ڪوئيٽا کيس ڇوڪريءَ جو نمبر موڪليو هو. عادل خان بازئي چيو ته ڊي سي مون کي هن ڇوڪريءَ سان ملڻ لاءِ چيو. جڏهن مون ڊي سي کان پڇيو ته هن چيو ته هوءَ تنهنجي وڏي فين آهي، ان سان ملو. پي ٽي آءِ جي ميمبر اسيمبلي ايوان ۾ سوال اٿاريو ته مون کي ٻڌايو وڃي ته ڊي سي جو ڪم ڇوڪرين جا نمبر ڏيڻ ۽ ملاقاتون طلب ڪرڻ ڪڏهن ٿي ويو آهي.
Source link
Leave a Comment Leave a Comment
