بلديا ٽائون اسپارڪو روڊ قبرستان ويجهو نامعلوم گاڏي جي ٽڪر ۾ موٽرسائيڪل سوار پيءُ پٽ موقعي تي ئي فوت ٿي ويا. تفصيل موجب سومر جي صبح موچڪو ٿاڻي جي حد ۾ بلديا ٽائون اسپارڪو روڊ قبرستان وٽ نامعلوم گاڏي جي ٽڪر ۾ موٽرسائيڪل سوار 2 ڄڻا موقعي تي ئي فوت ٿي ويا. حادثي ۾ فوت ٿيندڙن جي سڃاڻپ 30 ورهين جي عبدالجبار ولد عبدالمجيد ۽ 60 ورهين جي عبدالماجد ولد امير حمزه طور ٿي آهي. پيءُ ٺيڪيدار هو ۽ پٽ راج مستري هو، ٻئي صبح جو گهر کان ڪم تي نڪتا هئا. وارثن موجب حادثي ۾ فوت ٿيل نوجوان جي ايندڙ مهيني شادي هئي ۽ گهر ۾ تياريون هلندڙ هيون. حادثي جو اطلاع ملڻ تي پوليس واقعي واري هنڌ پهچي واقعي واري هنڌ پهچي شاهديون گڏ ڪري جاچ شروع ڪري ڇڏي آهي. ايس ايڇ او موچڪو سهيل فاروق موجب حادثي ۾ فوت ٿيلن ۾ پيءُ ۽ پٽ شامل آهن ۽ مارجي ويلن ۾ مورچو نورگوٿ جو رهواسي ٻڌايو پيو وڃي. پوليس جو چوڻ آهي ته موٽرسائيڪل تي سوار پيءُ پٽ جي حالت ٺيڪ آهي. پوليس جو شڪ آهي ته موٽرسائيڪل سلپ ٿي وئي ۽ گذرندڙ گاڏي جي هيٺان ڪري پئي. حادثي بعد ڪار سوار پيءُ پٽ ۽ ڊرائيور موقعي تان فرار ٿي ويا، جن جي ڳولا جاري آهي. وارثن ضروري ڪارروائي بعد لاش سول اسپتال پهچايو.
Source link
Leave a Comment Leave a Comment
