ڪراچي:
شهر قائد جي مختلف علائقن ۾ پوليس مقابلي دوران 4 جوابدارن سميت 5 جوابدارن کي گرفتار ڪري ورتو، جڏهن ته هڪ جوابدار فرار ٿيڻ ۾ ڪامياب ٿي ويو.
پوليس موجب فيڊرل بي انڊسٽريل ايريا ٿاڻي جي حد ۾ سهراب گوڙ پل وٽ مبينا مقابلي دوران هڪ جوابدار کي زخمي حالت ۾ گرفتار ڪيو ويو.
گرفتار جوابدار کي عباسي شهيد اسپتال منتقل ڪيو ويو، جتي سندس سڃاڻپ شعيب اختر طور ٿي. پوليس جو چوڻ آهي ته جوابدارن جي قبضي مان هٿيار پڻ هٿ ڪيا ويا آهن.
ٻئي طرف نيو ڪراچي انڊسٽريل ايريا پوليس خاصا ڳوٺ سيڪٽر 5 ايف ۾ مبينا مقابلي بعد ٻن ڦورن کي زخمي حالت ۾ گرفتار ڪري ورتو.
گرفتار جوابدارن کي عباسي شهيد اسپتال منتقل ڪيو ويو، جن جي سڃاڻپ شهزاد ۽ شاهه رخ جي نالن سان ٿي.
پوليس موجب جوابدار جو ساٿي حسنين موقعي تان فرار ٿيڻ ۾ ڪامياب ٿي ويو، جنهن جي ڳولا جاري آهي. گرفتار جوابدارن جي قبضي مان هٿيار، موبائل فون ۽ نقدي پڻ هٿ ڪئي وئي آهي.
هوڏانهن گلبرگ پوليس ڪريم آباد ۾ اپوا ڪاليج ويجهو مبينا مقابلي بعد ٻن جوابدارن کي زخمي حالت ۾ گرفتار ڪري ورتو.
ڇاپو اختيارين موجب زخمي جوابدار کي طبي امداد لاءِ اسپتال منتقل ڪيو ويو، جڏهن ته واقعي جي وڌيڪ جاچ ڪئي پئي وڃي.
