ڪراچي:
شهر قائد ۾ منشيات فروش انمول عرف پنڪي جي گرفتاري واري ڪيس ۾ ايف آءِ آر ۾ غلط ايڊريس داخل ٿيڻ کانپوءِ نئون تڪرار پيدا ٿي ويو آهي، جنهن سبب بلال آرڪيڊ جا رهواسي ۽ انتظاميه سخت بيچيني محسوس ڪري رهي آهي.
تفصيل موجب ايف آءِ آر ۾ جوابدار کي گارڊن ويسٽ بلال آرڪيڊ فيز 2 ۾ هڪ فليٽ مان گرفتار ڪيو ويو پر حقيقت ۾ هڪ ٻيو خاندان گذريل 8 سالن کان ان فليٽ ۾ ڪرائي تي اچي رهيو آهي.
غلط ايڊريس داخل ڪرڻ کانپوءِ مقتول جي وارثن موقف اختيار ڪيو آهي ته هو انمول عرف پنڪي کي نه ٿا سڃاڻن ۽ پوليس جي اهڙي مبينا غلطي سبب سخت ذهني اذيت کي منهن ڏئي رهيا آهن.
ٻئي طرف بلال آرڪيڊ يونين اهلڪار ۽ فليٽ مالڪ سليم احتجاج ڪندي گارڊن ٿاڻي تي پهچي ويا. يونين آفيسر موجب پوليس ايف آءِ آر ۾ ڏنل غلط ايڊريس تي معذرت ڪئي آهي.
يونين جو چوڻ آهي ته پوليس اهلڪارن کي هدايت ڪئي آهي ته ميڊيا جي نمائندن کي فليٽس ۾ داخل ٿيڻ يا شهرين سان ڳالهائڻ جي اجازت نه ڏني وڃي.
ان کانسواءِ فليٽ جي مالڪ اتي رهندڙ خاندان کي نوٽيس جاري ڪري جاءِ خالي ڪرڻ جو چيو آهي، جنهن سبب متاثر خاندان وڌيڪ پريشاني کي منهن ڏئي رهيو آهي.
يونين اهلڪارن مطالبو ڪيو آهي ته پوليس باضابطا وضاحت ڪري ۽ ميڊيا کي ان سنگين غلطي جي معافي ڏني وڃي ته جيئن رهواسين جي ڏکيائين ۾ گهٽتائي ٿي سگهي.
