نيو يارڪ:
گڏيل قومن جي سيڪريٽري جنرل انتونيو گوتريس پاڪستان جي صوبي بلوچستان ۾ ٽرين کي نشانو بڻائيندڙ ڌماڪي جي سخت مذمت ڪندي ان کي دهشتگردي جو سنگين عمل قرار ڏنو آهي.
سيڪريٽري جنرل جي ترجمان پاران جاري ڪيل بيان ۾ چيو ويو آهي ته ان افسوسناڪ واقعي ۾ قيمتي جانين جي ضايع ٿيڻ تي گهري ڏک ۽ افسوس جو اظهار ڪيو ويو آهي.
.@antonioguterres پاڪستان ۾ ٽرين کي نشانو بڻائيندڙ ڌماڪي جي سخت لفظن ۾ مذمت ڪيون ٿا. هو مارجي ويلن جي خاندانن سان دلي تعزيت جو اظهار ڪري ٿو ۽ زخمين جي جلد صحتيابي جي خواهش رکي ٿو.
دهشتگردي پنهنجي هر شڪل ۽ صورت ۾ ناقابل قبول آهي.https://t.co/0CvdCPvqOy– گڏيل قومن جو ترجمان (@UN_Spokesperson) مئي 26، 2026
گڏيل قومن پڻ مارجي ويلن جي خاندانن سان تعزيت جو اظهار ڪيو ۽ زخمين جي جلد صحتيابي جي دعا ڪئي.
بيان ۾ چيو ويو آهي ته دهشتگردي ڪنهن به شڪل ۽ صورت ۾ قبول ناهي، اهڙن حملن ۾ ملوث عنصرن کي بي نقاب ڪري انهن کي قانون جي ڪٽهڙي ۾ آڻڻ ضروري آهي.
ان موقعي تي گڏيل قومن جي سيڪريٽري جنرل انتونيو گوتريس پاڪستان جي عوام ۽ حڪومت سان مڪمل يڪجهتي جو اظهار ڪندي چيو ته عالمي برادري دهشتگردي خلاف ڪوششن ۾ پاڪستان سان گڏ بيٺل آهي.
