ڪوئيٽا:
صوبائي راڄڌاني ڪوئيٽا جي مختلف رهائشي علائقن تي اڻڄاتل سمت کان فائر ڪيل 3 راڪيٽ شهرين ۾ سخت خوف ۽ حراس پکڙجي ويا.
راڪيٽ اختر محمد روڊ، شانتي نگر، فقير محمد روڊ، عثمانيه اسٽريٽ ۽ مير احمد خان روڊ تي ڪريا.
خوشقسمتيءَ سان ڪو وڏو جاني نقصان نه ٿيو. پوليس ۽ سڪيورٽي ذريعن موجب اربع جي رات ڪوئيٽا شهر جي مختلف علائقن تي ٽي راڪيٽ فائر ڪيا ويا.
شانتي نگر جي علائقي اختر محمد روڊ تي پهريون راڪيٽ هڪ رهائشي گهر جي ڇت تي ڪري پيو، جنهن سان ڇت ۾ وڏو سوراخ ٿي ويو ۽ گهر ۾ نصب سولر سسٽم مڪمل طور تي تباهه ٿي ويو. جڏهن ته ان واقعي ۾ ڪو به جاني نقصان نه ٿيو.
ٻيو راڪيٽ فقير محمد روڊ عثمانيه اسٽريٽ جي رهواسي محمد عثمان جي گهر جي ڇت تي ڪري پيو. حملي ۾ گهر جي ڇت ۽ ڀتين کي سخت نقصان پهتو، جنهن سبب عمارت کي تمام گهڻو نقصان پهتو.
ٽيون راڪيٽ مير احمد خان روڊ تي ڊبل اسٽور هائوس جي ڇت جي چئن ڀتين تي پيو. جنهن جي نتيجي ۾ ڀت ڪري پئي ۽ ويجھو روڊ تي پيادل 3 ڄڻا زخمي ٿي پيا.
زخمين کي فوري طور تي ويجهي اسپتال منتقل ڪيو ويو جتي سندن حالت ڳڻتي جوڳي ٻڌائي پئي وڃي. اطلاع ملڻ تي پوليس، ايف سي ۽ ٻين سڪيورٽي فورسز جي وڏي نفري واقعي واري هنڌ پهچي وئي ۽ علائقي کي ڪڙو چاڙهي سرچ آپريشن شروع ڪري ڇڏيو.
ڊي آءِ جي ڪوئيٽا عمران شوڪت تصديق ڪئي ته راڪيٽ اڻڄاتل طرف کان فائر ڪيا ويا، جيڪي اختر محمد روڊ شانتي نگر، فقير محمد روڊ ۽ مير احمد خان روڊ تي آيا.
هن چيو ته سڪيورٽي فورسز ۽ سي ٽي ڊي جوابدارن جي گرفتاري لاءِ ڀرپور ڪارروائي شروع ڪري ڇڏي آهي. راڪيٽ حملن جي اطلاع ملندي ئي شهر جي وڏين اسپتالن ۾ ايمرجنسي لاڳو ڪئي وئي.
ڪنهن به ايمرجنسي کي منهن ڏيڻ لاءِ ڊاڪٽرن ۽ طبي عملدارن کي طلب ڪيو ويو. الحمدلله راڪيٽ حملن ۾ ڪو به جاني نقصان نه ٿيو. شهر ۾ سڪيورٽي هاءِ الرٽ ڪئي وئي آهي. داخلي ۽ خارجي رستن تي سخت چيڪنگ ڪئي پئي وڃي.
سڪيورٽي فورسز جوابدارن جي ڳولا ۾ مصروف آهن. اهي حملا هڪ اهڙي وقت ۾ ٿيا، جڏهن ڪوئيٽا شهر ۾ امن امان جي صورتحال اڳ ۾ ئي حساس ٻڌائي پئي وڃي.
رات دير سان ايندڙ زوردار ڌماڪن جي آوازن سبب شهرين خوف جو اظهار ڪيو. مقامي رهواسين جو چوڻ آهي ته راڪيٽ گهرن جي ڇت تي ڪريا، جنهن سبب عورتن ۽ ٻارن ۾ خوف و ہراس پکڙجي ويو.
اختيارين شهرين کي اپيل ڪئي آهي ته هو صبر کان ڪم وٺن ۽ ڪنهن به شڪي سرگرمي جي اطلاع فوري طور ويجهي پوليس اسٽيشن يا سيڪيورٽي ادارن کي ڏين. واقعي جي جاچ جاري آهي، جوابدارن کي جلد گرفتار ڪرڻ جي دعويٰ ڪئي وئي آهي
