اسلام آباد:
ڪوئيٽا ۾ فتنا الهند جي بزدلاڻي حملي ۾ هڪ شهري شهيد ٿي ويو.
شروعاتي اطلاعن موجب ڪوئيٽا جي پٽيل روڊ تي فتنا الهند جي دهشتگردن حملو ڪيو، فتنا الهند جي دهشتگردن جي بزدلاڻي حملي ۾ هڪ شهري شهيد ۽ هڪ ٻار سميت 4 ڄڻا زخمي ٿي پيا.
فتاح الهند جي دهشتگردن جي حملي ۾ زخمي ٿيل ٻار ابرار احمد جو چوڻ آهي ته مان پنهنجي علاج لاءِ ڪوئيٽا جي پٽيل روڊ تي واقع اسپتال آيو هوس. مان پنهنجي خاندان سان اسپتال مان ٻاهر اچي رهيو هوس ته اتي هڪ ڌماڪو ٿيو جنهن ۾ مان سخت زخمي ٿي پيو.
ڌماڪي ۾ زخمي ٿيل وزير خان جو چوڻ هو ته هو ورڪشاپ مان ڪم پورو ڪرڻ کانپوءِ دوستن سان گڏ گهر وڃي رهيو هو ته ڌماڪو ٿيو، ڌماڪي کانپوءِ هو بيهوش ٿي ويو ۽ جڏهن هوش ۾ آيو ته هو اسپتال ۾ هو.
ماهرن موجب سڪيورٽي فورسز هٿان وڏي انگ ۾ مارجي وڃڻ کانپوءِ فتنا الهند جا دهشتگرد خوف ۾ ورتل آهن.
