انتهاپسند پاليسين ۽ دهشتگردن جي حمايت جي ڪري دنيا افغان طالبان جي حڪومت کان تنگ ٿي وئي آهي.
افغان ميڊيا ٽولو نيوز موجب افغان طالبان حڪومت جي ضد سبب گڏيل قومن ۾ افغانستان جي مستقل سيٽ تي ڪو به فيصلو نه ٿي سگهيو.
طلوع نيوز موجب طالبان حڪومت عالمي مطالبن جهڙوڪ دهشتگردي، اسمگلنگ ۽ انساني حقن کي اندروني معاملو سمجهي پنهنجي ناجائز اقتدار کي طول ڏئي رهي آهي. سالياني واجب الادا رقم ادا نه ڪرڻ سبب افغانستان مسلسل چوٿين سال جنرل اسيمبلي ۾ ووٽ ڏيڻ جي حق کان محروم ٿي ويو آهي.
ماهرن موجب گڏيل قومن ۾ افغانستان جو خالي سيٽ ۽ ووٽ جي حق کان مسلسل محرومي طالبان جي حڪومت جي سفارتي ناڪامي ۽ عالمي اڪيلائي جو واضح ثبوت آهي. طالبان جي دور ۾ افغانستان هڪ رياست جي حيثيت ۾ بُري طرح ناڪام ٿيو آهي، جنهن جو سڌو سنئون اثر افغان عوام تي پيو.
