اين هيٿ وي جو چوڻ ’انشاءَ الله‘ وائرل ٿي ويو، وڊيو وائرل ٿي وئي

مشهور هالي ووڊ اداڪارا اين هيٿ وي هڪ دلچسپ لمحي سبب سوشل ميڊيا تي توجه جو مرڪز بڻجي وئي آهي، جتي هن هڪ ڳالهه ٻولهه دوران انشاالله لفظ استعمال ڪيو ۽ اهو ئي جملو وائرل ٿي ويو. پنهنجي ڪيريئر ۾ ڪيترين ئي وڏين فلمن ۾ مرڪزي ڪردار ادا ڪندڙ عالمي شهرت يافته اداڪارا پهريون ڀيرو ’دي پرنسز ڊائري‘ سان شهرت ماڻي. ان کان پوءِ هوءَ ڪيترين ئي ڪامياب ۽ ايوارڊ ماڻيندڙ فلمن جو حصو رهي ۽ اڄ به فلمي دنيا ۾ سرگرم آهي. هڪ تازي انٽرويو ۾، جيڪو هن ‘پيپل’ ميگزين کي ڏنو، اين هيٿ وي عمر ۽ زندگي جي مختلف پهلوئن تي بحث ڪري رهي هئي. ان سان گڏ هن چيو ته هوءَ هڪ ڊگهي ۽ صحتمند زندگي گذارڻ چاهي ٿي انشاالله. هن چيو ته انسان يا ته وڏي ڄمار کان ڊڄندو آهي يا ننڍي عمر ۾ زندگي ختم ڪرڻ جو خيال رکندو آهي، ان ڪري بهتر آهي ته زندگي کي مثبت انداز ۾ قبول ڪيو وڃي. انسٽاگرام تي هي پوسٽ ڏسو اداڪارا جي هن سادي پر اثرائتي جملي مداحن جي دلين کي ڇهيو ۽ وڊيو جلدي وائرل ٿي وئي. سوشل ميڊيا صارفين نه رڳو سندس انداز کي ساراهيو پر ڪيترن ئي ماڻهن ان کي خوبصورت ۽ بامعنيٰ اظهار قرار ڏنو. ڪجهه مداحن مذاق ڪندي کيس ’سسٽر اين‘ جو لقب ڏنو، جڏهن ته ٻين چيو ته هوءَ لفظ جي اهميت ۽ خوبصورتي کي سمجهي ٿي. اهڙيء طرح عام گفتگو جو هڪ لمحو عالمي ڌيان حاصل ڪرڻ ۾ ڪامياب ٿي ويو. انسٽاگرام تي هي پوسٽ ڏسو ياد رهي ته اين هيٿ وي کي ’پيپل ميگزين‘ پاران 2026 جي خوبصورت ترين اداڪارا قرار ڏنو ويو آهي.



Source link