ڪراچي:
ايف بي ايريا مان 8 ڏينهن کان گم ٿيل واپاري جو لاش هٿ آيو آهي، جنهن کان پوءِ انڪشاف ٿيو آهي ته قتل ۾ ڪو ٻيو نه پر مقتول جو پنهنجو ڪزن آهي.
ايڪسپريس نيوز موجب ايف بي ايريا مان ليبارٽري مشينون وڪرو ڪندڙ واپاري گم ٿي ويو. سندس پيءُ جي اغوا جو ڪيس 13 اپريل تي جوهر آباد ٿاڻي ۾ سندس پٽ روحان خان جي فرياد تي داخل ڪيو ويو هو.
پوليس ڪيس داخل ٿيڻ کان پوءِ مختلف سي سي ٽي وي ڪيمرائن جي رڪارڊنگ چيڪ ڪئي، ثبوتن مان معلوم ٿيو ته اغوا ڪندڙ 11 اپريل جي شام پنهنجي ڪزن فيصل سان گڏ ڪار ۾ روانو ٿيو هو.
پوليس موجب شڪ جي بنياد تي جوابدار سيد فيصل ڪريم کي حراست ۾ وٺي جاچ شروع ڪري ڇڏي آهي.
جوابدار فيصل ڪريم چيو ته جوابدار ضياءَ سان گڏ فليٽ ۾ 3 کان 4 ساٿي به موجود هئا، جوابدارن ريحان کي تشدد بعد فليٽ ۾ بند ڪري ڇڏيو، جوابدار ضياءُ الله مونکي سهراب گوڙ پل وٽ ڇڏي نيو ڪراچي ۾ پنهنجي گهر هليو ويو.
بعد ۾ ملزم فيصل پوليس کي فليٽ جي نشاندهي ڪئي. پوليس جڏهن فليٽ تي پهتي ته کين ابوالحسن اصفهاني روڊ تي بند فليٽ مان ريحان جو لاش مليو.
پوليس موجب اغوا ۽ قتل ۾ ملوث وڌيڪ 2 جوابدارن کي گرفتار ڪيو ويو آهي، 2 کان 3 جوابدارن جي ڳولا جاري آهي.
