ڀارت ۾ بي جي پي جي ڪٺ پتلي جنتا پارٽي مودي حڪومت لاءِ خطرو بڻجي وئي آهي. ان تحريڪ جي گونج هاڻي عالمي ميڊيا ۾ به ٻڌڻ ۾ اچي رهي آهي.
سوشل ميڊيا تي شروع ٿيندڙ نوجوانن جي تحريڪ دهلي ۾ عملي احتجاج ذريعي مودي حڪومت کي سخت دٻاءُ ۾ آڻي ڇڏيو آهي.
برطانوي رسالي ”دي گارجين“ جان زي تحريڪ جي طاقت جو اعتراف ڪندي لکيو آهي ته ڪاڪروچ جنتا پارٽي اها تحريڪ آهي جيڪا هندستان جي سياست کي ڊاهڻ جي صلاحيت رکي ٿي. جين زي تحريڪ، جيڪا هڪ آن لائن ميم سان شروع ٿي، مودي حڪومت لاءِ هڪ غير متوقع چئلينج بڻجي رهي آهي.
دي گارڊين موجب، هي تحريڪ لکين هندستاني نوجوانن جو آواز بڻجي چڪي آهي جيڪي عدم اطمينان ۽ مايوسي جو شڪار آهن. ڪاڪروچ جنتا پارٽيءَ جي باني ابجيت ديپڪي دهلي ۾ احتجاجي جلسي کي پنهنجي خطاب ۾ چيو ته هندستان جا نوجوان هاڻي ڊڄڻ وارا نه آهن، هو پنهنجي حقن لاءِ وڙهندا.
هندستاني نوجوانن کي اميد آهي ته نيپال ۽ سريلنڪا وانگر هندستان ۾ نوجوانن جي هڪ وڏي عوامي تحريڪ هلي رهي آهي.
ماهرن جو چوڻ آهي ته ان تحريڪ مان ثابت ٿئي ٿو ته ڀارتي نوجوان روايتي سياست، مذهبي ڪارڊ ۽ انتهاپسند خيالن کي رد ڪري ڇڏيو آهي. ڀارتيه جين زي تحريڪ بيروزگاري، مايوسي ۽ رياستي جبر خلاف نوجوانن جي شديد ڪاوڙ جو عملي اظهار آهي.
