آمريڪا-ايران امن معاهدي ۾ پاڪستان جي قيادت جي ڪردار کي روسي ميڊيا تمام گهڻو ساراهيو آهي.
روس جي سمورن وڏن نيوز چينلز ۽ اخبارن پاڪستان کي امن جو ضامن ۽ اهم ساٿي قرار ڏنو آهي. اسلام آباد ڳالهين جي ڪاميابي ۽ سڄي دنيا ۾ جنگ جو خاتمو آڻڻ تي پاڪستان کي ساراهيو پيو وڃي.
روسي سرڪاري نيوز ايجنسي ٽاس پاڪستان کي امن جو ضامن قرار ڏيندي چيو آهي ته پاڪستان آمريڪا-ايران ڳالهين ۾ اڳڀرائي کي مستحڪم ڪرڻ جي هر ممڪن ڪوشش ڪندو.
روسي پرڏيهي وزير سرگئي لاروف پاڪستان جي قيادت جي واکاڻ ڪندي چيو ته وزيراعظم شهباز شريف سميت پاڪستان جا ٻيا اڳواڻ ثالث جو اهم ڪردار ادا ڪري رهيا آهن.
روسي اخبار اسپوتنڪ جو چوڻ آهي ته آمريڪا-ايران امن معاهدو جتي به ٿيندو پاڪستان اهم ثالث هوندو. اسلام آباد معاهدي جو مسودو پاڪستان ۾ ٺاهيو ويو ۽ ان جو سمورو ڪريڊٽ پاڪستان کي وڃي ٿو.
روسي اخبار آر ٽي موجب پاڪستان جي مخلصانه ثالثي سان آمريڪا ۽ ايران دشمني ۽ جنگ ختم ٿي وئي آهي. ٽاس موجب آمريڪا-ايران جنگ جي خاتمي کانپوءِ پاڪستان معاشي ترقي لاءِ پراميد ۽ پرعزم آهي.
عالمي ماهرن موجب پاڪستان جي سياسي ۽ فوجي قيادت متاثر ٿيندڙ جنگ کي ختم ڪرڻ لاءِ انتھڪ محنت ڪئي آهي، جنهن جا نتيجا سڄي دنيا کي ڏسڻا پوندا. ايران-آمريڪا معاهدي سان پاڪستان جو وقار مضبوط ٿيو آهي ۽ پاڪستان امن جو ضامن ۽ هڪ نئين طاقت بڻجي اڀري آيو آهي.
