پاڪستان تحريڪ انصاف جي اڳواڻ ۽ اڳوڻي سينيٽر اعجاز چوڌري کي طبيعت خراب ٿيڻ سبب سروسز اسپتال منتقل ڪيو ويو.
ذريعن موجب جيل ۾ اعجاز چوڌري جي طبيعت اوچتو خراب ٿي وئي، جنهن بعد انتظاميا کيس فوري طور سروسز اسپتال منتقل ڪيو.
اعجاز چوڌري کي پهريان به ڪيترائي ڀيرا طبي معائني لاءِ اسپتال نيو ويو آهي. ذريعن موجب کيس اکين ۾ انفيڪشن، دل ۽ بلڊ پريشر جي مسئلن سبب طبي نگراني ۾ رکيو ويو آهي.
اعجاز چوڌري کي ڪوٽ لکپت جيل مان سروسز اسپتال منتقل ڪيو ويو، جتي ڊاڪٽرن سندس معائنو شروع ڪري ڇڏيو، جڏهن ته اسپتال ۾ سيڪيورٽي جا سخت انتظام ڪيا ويا آهن.
