ٽرينٽ برج ٽيسٽ ۾ ڪيوي اوپنرز انگلينڊ خلاف 317 رنسن جي پارٽنرشپ قائم ڪئي، ڪپتان ٽام ليٿم 151 ۽ ڊيون ڪانوي 157 رنسون ٺاهي آئوٽ ٿيا، ميزبان بالر هن جوڙي خلاف بُري طرح ناڪام رهيا، ڪپتان بين اسٽوڪس جي واپسي به اثر انداز ٿيڻ ۾ ناڪام رهي. ٽاس کٽي پهريان بيٽنگ ڪندڙ ٽيم پهرين ڏينهن جي راند ختم ٿيڻ تائين 4 وڪيٽن جي نقصان تي 361 رنسون ٺاهيون. نيوزيلينڊ طرفان اها اوپننگ پارٽنرشپ انگلينڊ ۾ ڪنهن به ٽيسٽ ميچ ۾ سڀ کان وڏي ثابت ٿي. اها 1930ع کان پوءِ انگلينڊ ۾ انگلينڊ خلاف نيوزيلينڊ جي پهرين 200 کان وڌيڪ رنسن جي اوپننگ پارٽنرشپ پڻ آهي، جڏهن ته مجموعي طور تي نيوزيلينڊ ٽيسٽ ڪرڪيٽ جي تاريخ ۾ اوپنرن جي وچ ۾ 200 يا ان کان وڌيڪ رنسن جي ستين پارٽنرشپ آهي.
Source link
Leave a Comment Leave a Comment
