آمريڪا ۽ نار ملڪن جي مخالفت جي باوجود، عمان اشارو ڏنو آهي ته هو هرمز جي بندر مان گذرندڙ واپاري جهازن کي ڪجهه خدمتن لاء فيس چارج ڪندو. آمريڪي ميگزين بلومبرگ جي رپورٽ موجب عمان يورپي اختيارين کي آگاهه ڪيو آهي ته هو آبنائے هرمز کي آلودگي کان بچائڻ، لنگهه جي نگراني ۽ جهازن کي محفوظ لنگهه فراهم ڪرڻ لاءِ فيس لاڳو ڪرڻ تي غور ڪري رهيو آهي. عماني عملدارن جو چوڻ آهي ته تازي ڇڪتاڻ کانپوءِ آبنائي هرمز کي جنگ کان اڳ واري حالتن ۾ واپس آڻڻ ممڪن ناهي، پر عمان عالمي بحري قانونن جي مڪمل پاسداري ڪندو رهندو. اختيارين موجب، ڪمرشل جهازن تي ڪو به ٽيڪس نه ٿو ڏئي سگهجي پر صرف خدمتن لاءِ مناسب فيس ورتي وڃي ٿي جيئن ماحولياتي تحفظ ۽ نيويگيشن جي سهولت. ٻئي طرف قطر به ان معاملي تي محتاط موقف اختيار ڪيو آهي. قطري عملدارن اڳ ۾ چيو آهي ته اهي ايران سان سامونڊي رستن تي خرچن ۽ انتظامن تي بحث ڪندا. ياد رهي ته گلف ڪوآپريشن ڪائونسل طرفان آبنائے هرمز ۾ ٽول يا فيس لاڳو ڪرڻ جي مخالفت تي ٻڌل اعلان تي عمان ۽ قطر ٻنهي طرفان دستخط ڪيا ويا هئا. ٻئي طرف آمريڪي پرڏيهي وزير مارڪو روبيو اڳ ۾ ئي واضح ڪري چڪو آهي ته آبنائي هرمز مان گذرندڙ جهازن تي ڪا به فيس يا ٽيڪس نه ڏيڻ گهرجي ۽ ڪنهن به ملڪ کي ان اهم بين الاقوامي شپنگ لنگهه تان گذرڻ لاءِ ٽيڪس گڏ ڪرڻ جو اختيار ناهي.
Source link
Leave a Comment Leave a Comment
