فيفا ورلڊ ڪپ: فرانس پيراگوئي کي شڪست ڏئي ڪوارٽر فائنل ۾ پهچي ويو

فيفا ورلڊ ڪپ 2026 جي پري ڪوارٽر فائنل ۾ فرانس سخت مقابلي کانپوءِ پيراگوئي کي 0-1 تان شڪست ڏئي ڪوارٽر فائنل لاءِ ڪواليفائي ڪري ورتو ۽ هاڻي فرانس جو مقابلو مراکش سان ٿيندو. آمريڪي شهر فلاڊيلفيا ۾ کيڏيل ميچ ۾ فرانس کي ڪاميابي لاءِ سخت جدوجهد ڪرڻي پئي. پيراگوئي دفاعي حڪمت عملي اختيار ڪندي فرانس جي حملن کي گهڻي دير تائين ناڪام بڻائي ڇڏيو، پر ميچ جي 70هين منٽ ۾ متبادل رانديگر ڊيزري ڊوئي کي پينالٽي ايريا ۾ فاؤل ڪيو ويو جڏهن ته VAR ريويو کانپوءِ فرانس کي پنالٽي ڏني وئي. ڪپتان Mbappe پنالٽي کي ڪاميابي سان بدلائي پنهنجي ٽيم کي برتري ڏياري، جيڪو ميچ جو فيصلو ڪندڙ گول ثابت ٿيو. ان گول سان، ايمباپي ورلڊ ڪپ 2026 ۾ پنهنجن گولن جو تعداد 7 تائين پهچايو ۽ هن ٽورنامينٽ ۾ گولڊن بوٽ جي ريس ۾ ليونل ميسي جي برابري به ڪري ورتي. ان کان علاوه اهو سندس ورلڊ ڪپ ڪيريئر جو 19 هون گول پڻ هو. ميچ جي آخري منٽن ۾ پيراگوئي برابري ڪرڻ جي ڀرپور ڪوشش ڪئي پر فرانسيسي گول ڪيپر مائيڪ مينيئن اهم بچاءُ ڪري پنهنجي ٽيم جي برتري برقرار رکي، جڏهن ته دفاع پڻ ڪيترن ئي خطرناڪ حملن کي ناڪام بڻائي ڇڏيو. ان فتح سان فرانس ڪوارٽر فائنل ۾ جاءِ ٺاهي ورتي آهي، جتي هن جو مقابلو مراکش سان ٿيندو. ٻنهي ٽيمن وچ ۾ هي ميچ مداحن جي توجه جو مرڪز بڻجندي، جڏهن ته فرانس مراکش کي 2022ع جي ورلڊ ڪپ جي سيمي فائنل ۾ به شڪست ڏني هئي.



Source link