بالي ووڊ جي ڊريم گرل ۽ سدا بہار راڻي هيما مالني دھرميندر جي آخري لمحن ۽ سندس خاندان لاءِ سندس آخري نصيحت جي ڳالهه ڪئي آهي.
هڪ انٽرويو دوران 78 سالن جي هيما مالني انڪشاف ڪيو ته سندس موت کان اڳ، ڌرميندر سڄي خاندان کي متحد رهڻ جو پيغام ڏنو هو ۽ زندگي ۾ خاندان کي اوليت ڏني هئي.
اداڪاره سني ديول ۽ بوبي ديول جي حوالي سان چيو ته اهي ڏاڍا پيار ڪندڙ پٽ آهن ۽ سندن وچ ۾ گهرا ۽ مضبوط رشتا آهن.
هن وضاحت ڪئي ته هو پنهنجي نجي زندگي کي عام ڪرڻ پسند نٿو ڪري، ڇاڪاڻ ته ڌرميندر پڻ هميشه پنهنجي خاندان جي معاملن کي عوام جي نظر کان پري رکڻ کي ترجيح ڏني آهي.
ياد رهي ته هندي سئنيما جو ليجنڊ اداڪار ڌرميندر 24 نومبر تي 89 ورهين جي ڄمار ۾ لاڏاڻو ڪري ويو هو، سندس ۽ هيما مالني جي رومانس جي شروعات 1960ع ۾ ٿي هئي، جنهن کانپوءِ ٻئي 1980ع ۾ شادي جي ٻنڌڻن ۾ ٻڌجي ويا هئا.
لکين دلين تي راڄ ڪندڙ هن جوڙي شعلي، سيتا ۽ گيتا جهڙين مشهور فلمن ۾ اداڪاري جا جوهر ڏيکاريا.
دھرميندر ۽ هيما مالني جي شادي بالي ووڊ جي تاريخ ۾ تمام گهڻي بحث جو موضوع بڻيل آهي. جيتوڻيڪ ڌرميندر اڳ ۾ ئي شادي شده هو، هن جو تعلق هيما مالني سان ڏهاڪن تائين رهيو.
ٻن ستارن کي 2 ڌيئرون ايشا ۽ آهانا ديول آهن، جيڪي والدين جي فن ۽ سندن گڏيل ورثي جون عڪاسي آهن.
