گلاسگو ڪمن ويلٿ گيمز ۾ پاڪستان جي 36 رڪني اسڪواڊ شرڪت ڪندي.
تفصيل موجب گلاسگو ۾ ٿيندڙ ڪمن ويلٿ گيمز ۾ پاڪستاني رانديگر ايٿليٽڪس، باڪسنگ، جمناسٽڪ، جوڊو، لان بال ۽ سوئمنگ ۾ حصو وٺندا.
گلاسگو رانديون 23 جولاءِ کان 2 آگسٽ تائين ٿينديون.
ڪمن ويلٿ گيمز لاءِ ايٿليٽڪس ٽيم ۾ فائقا رياض، آمنه تبسم، نورين حسين، ارشد نديم، محمد اختر، محمد اسماعيل ۽ ياسر سلطان شامل آهن.
ايٿليٽڪس ٽيم جي ڪوچنگ فريال فاروق، اشرف علي ۽ سلمان بٽ ڪندا. باڪسنگ ۾ افضل خان، فاطمه زهرا، ملاڪا زاهد، قدرت الله، سماما رحمان کي فائنل ڪيو ويو آهي.
جمناسٽڪ ۾ شهزاد علي جي ڪوچنگ خالد محمد ڪندو. لان بال ۾ مقصود وسيم خان، محمد ايوب قريشي جي چونڊ ڪئي ويندي.
ان کانسواءِ سوئمنگ ۾ حمزه آصف، حريم ملڪ، جهان آرا نبي ۽ احمد دراني پاڪستان لاءِ ميڊلز کٽيندا.
