پاڪستان ۽ آمريڪا وچ ۾ گڏيل واپاري معاهدي تي ڳالهيون 9 ۽ 10 جولاءِ تي واشنگٽن ڊي سي ۾ ٿيون.
ڳالهين ۾ شرڪت ڪندڙ پرڏيهي آفيس جي ترجمان طاهر حسين اندرابي موجب ڳالهيون خوشگوار ماحول ۾ ٿيون، جنهن دوران ٻنهي طرفن اختلافن جا مسئلا حل ڪرڻ ۽ گڏيل نقطن تي اتفاق راءِ پيدا ڪرڻ لاءِ اڳڀرائي ڪئي ته جيئن معاهدي کي جلد حتمي شڪل ڏئي سگهجي.
ڳالهين ۾ پاڪستاني وفد جي اڳواڻي ڪندڙ واپار واري سيڪريٽري جواد پال ڳالهين کي هاڪاري قرار ڏيندي چيو ته ڳالهين ۾ اهم اڳڀرائي ٿي آهي ۽ ٻنهي ملڪن وچ ۾ معاهدي جي حوالي سان اهم اڳڀرائي ٿي آهي.
