لاهور:
پنجاب ۾ گرميءَ جي ور چڙهيل عوام لاءِ خوشخبري آهي ته لاهور سميت سڄي صوبي ۾ مون سون جي برساتن جو سلسلو اڃا تائين موجود آهي.
صوبائي راڄڌاني لاهور ۾ گذريل رات کان تيز هوائن ۽ ڪٿي هلڪي برسات جو سلسلو جاري آهي. موسميات کاتي موجب لاهور ۾ اڄ وڌيڪ برسات پوڻ جو امڪان آهي.
موسميات کاتي جو چوڻ آهي ته لاهور سميت پنجاب جي اڪثر ضلعن ۾ برسات جو امڪان آهي. ان دوران ٿوري هلڪي ۽ ٿوري تيز برسات سبب گرمي جي شدت ۾ گهٽتائي ايندي، جڏهن ته گرميءَ جو احساس به ٿيندو.
موسميات کاتي موجب اڄ لاهور ۾ گهٽ ۾ گهٽ گرمي پد 26 ۽ وڌ ۾ وڌ 37 ڊگري سينٽي گريڊ تائين پهچڻ جو امڪان آهي. لاهور ۽ پنجاب جي اڪثر ضلعن ۾ مون سون جي برساتن جو اهو سلسلو 13 جولاءِ تائين جاري رهندو.
ان دوران پي ڊي ايم اي پاران ضلعي انتظاميا کي الرٽ جاري ڪيو ويو آهي ته جيئن ممڪنه نقصان کان بچي سگهجي.
ان کان علاوه ايم ڊي واسا جي هدايت تي لاهور شهر ۾ آپريشنل اسٽاف پاڻي جي نيڪال لاءِ ڪم ڪري رهيو آهي. موسميات کاتي جو چوڻ آهي ته برساتن جو اهو سلسلو معمول موجب جاري رهندو.
