واشنگٽن ۾ پاڪستان جي سفير رضوان سعيد شيخ يو ايس انٽرنيشنل ڊولپمينٽ فنانس ڪارپوريشن (ڊي ايف سي) جي چيف ايگزيڪيوٽو آفيسر بينجمن بليڪ سان ملاقات ڪئي، جنهن ۾ ٻه طرفي پارٽنرشپ ۽ سيڙپڪاري جي فروغ جي معاملن تي تفصيلي ڳالهه ٻولهه ڪئي وئي.
ملاقات دوران پاڪستان جي سفير ڊي ايف سي جي پاڪستان ۾ توانائي، انفراسٽرڪچر، معدنيات، آئي ٽي ۽ بندرگاهن جهڙن اهم شعبن ۾ سيڙپڪاري جي دلچسپي کي ساراهيو. ٻنهي طرفن مختلف جاري ۽ امڪاني منصوبن ۾ اڳڀرائي جو جائزو ورتو ۽ مستقبل لاءِ ترجيحي علائقن جي نشاندهي ڪئي.
ان موقعي تي سفير رضوان سعيد شيخ ڊي ايف سي جي چيف ايگزيڪيوٽو کي فيفا ورلڊ ڪپ لاءِ پاڪستان ۾ تيار ڪيل سرڪاري فٽبال ”ٽرينڊا“ تحفي طور پيش ڪئي. هن چيو ته عالمي سطح تي پاڪستان ۾ پيدا ٿيندڙ فٽبال جي مسلسل چونڊ ملڪ لاءِ فخر ۽ اطمينان جو باعث آهي.
ڊي ايف سي جي چيف ايگزيڪيوٽو بينجمن بليڪ ”ٽريونڊا“ جي معيار کي ساراهيو ۽ پاڪستان جي صنعتي شعبي جي صلاحيتن کي ساراهيو.
ملاقات ۾ ٻنهي طرفن پاڪستان جي سماجي ۽ اقتصادي ترقي ۽ انفراسٽرڪچر جي بهتري لاءِ پارٽنرشپ کي وڌيڪ مضبوط ڪرڻ جي عزم کي ورجايو.
پاڪستان جي سفير چيو ته پاڪستان ۽ آمريڪا جي اقتصادي ڀائيواري ٻنهي ملڪن جي وچ ۾ لاڳاپن کي يقيني بڻائيندي.
