ساهيوال جي يوسف والا ۽ سکر ڊويزن ۾ مال بردار ٽرينون پٽڙي تان لهڻ سبب پاڪستان ريلوي بروقت مين لائين ڪليئر نه ڪري سگهي، جنهن سبب 8 مسافر ٽرينون منسوخ ٿي ويون ۽ مسافرن کي سخت ڏکيائين کي منهن ڏيڻو پيو. پاڪستان ريلوي موجب ڇنڇر ۽ آچر تي مختلف هنڌن تي مال بردار ٽرينون پٽڙي تان لهڻ سبب لاهور، فيصل آباد کان ڪراچي ۽ ڪوئيٽا ويندڙ مين لائين تي ريلوي ٽريفڪ معطل رهي. اهڙي صورتحال کي نظر ۾ رکندي قراقرم ايڪسپريس (42 ڊائون)، پاڪ بزنس ايڪسپريس (34 ڊائون)، ڪراچي ايڪسپريس (16 ڊائون)، ملتان ايڪسپريس (18 ڊائون) سميت ڪل 8 ٽرينون منسوخ ڪيون ويون. ريلوي عملدارن جو چوڻ آهي ته اڪانومي ڪلاس ڪوچ نمبر 3 ۽ 4، اي سي اسٽينڊرڊ ڪوچ نمبر 5، 6، 7 ۽ 8 جڏهن ته گرين لائين ايڪسپريس (6 ڊائون) جي اي سي بزنس ڪلاس ڪوچ نمبر 9، 10 ۽ 11 لاهور کان ڪراچي نه نڪرندي. پاڪستان ريلوي متاثر مسافرن کان معذرت ڪندي چيو آهي ته اهي لاهور ريزرويشن آفيس مان ٽڪيٽن جا مڪمل ريفنڊ حاصل ڪري سگهن ٿا. ڊويزنل سپرنٽينڊنٽ ريلوي لاهور انعام الله جي هدايت تي مسافرن جي سهولت لاءِ مسافر سهولتن وارو عملو سمورن لاڳاپيل اسٽيشنن تي موجود هوندو ته جيئن مسافرن جي رهنمائي ۽ سهولت ڪئي وڃي، جڏهن ته وڌيڪ معلومات لاءِ ريلوي جي انڪوائري نمبر 117 تي رابطو ڪري سگهجي ٿو. بعد ۾ ريلوي عملدارن ٻڌايو ته بحاليءَ جو ڪم مڪمل ٿيڻ کانپوءِ اپ ۽ ڊائون ٻنهي ٽريڪ کي ٽرينن جي آمد و رفت لاءِ صاف ڪيو ويو آهي. ياد رهي ته گذريل شام مال بردار ٽرين پٽڙي تان لهڻ سبب ٻنهي طرفن کان ريلوي ٽريفڪ معطل ٿي وئي هئي. پاڪستان ريلوي مسافرن کي پيش ايندڙ مشڪلاتن تي افسوس ۽ معذرت جو اظهار پڻ ڪيو.
Source link
Leave a Comment Leave a Comment
