فيفا ورلڊ ڪپ جي فائنل ۾ اسپين هٿان شڪست کانپوءِ ارجنٽائن جو ڪپتان ليونل ميسي ٽيم پريڊ ڇڏي گهر روانو ٿي ويو.
عالمي خابرو اداري موجب ميسي بيونس آئرس ۾ ٽيم جي اوپن ٽاپ بس پريڊ ۾ شرڪت نه ڪرڻ جو فيصلو ڪيو ۽ خانگي جهاز ذريعي سڌو پنهنجي اباڻي شهر روزاريو پهتو، جتي هو ڪجهه وقت فيملي سان گڏ گذاريندو.
ورلڊ ڪپ جي سنسني خیز فائنل ۾ اسپين اضافي وقت ۾ فيران ٽورس جي فيصلائتي گول جي بدولت فتح حاصل ڪري ورتي، جڏهن ته ميچ جي پڄاڻي تي ٻنهي ٽيمن جي رانديگرن وچ ۾ تلخ لمحا به رهيا.
ٻئي طرف ارجنٽائن ٽيم جو ايئرپورٽ تي شاندار استقبال ڪيو ويو پر ڪيترائي رانديگر آمريڪا ۾ ئي رهيا، جڏهن ته هيڊ ڪوچ ليونل اسڪالوني سان گڏ 15 رانديگرن فتح جي پريڊ ۾ شرڪت ڪئي.
رپورٽن مطابق ميسي پنهنجي مصروف شيڊول مان وقفو وٺي پنهنجي والدين، جارج ميسي ۽ سيليا ڪوچيٽيني سان ملاقات ڪندو.
سندس والد صحت جي خرابي سبب ورلڊ ڪپ دوران اسٽيڊيم نه وڃي سگهيو.
شڪست کانپوءِ ميسي سوشل ميڊيا تي هڪ جذباتي پيغام ۾ مداحن جو شڪريو ادا ڪندي چيو ته صحتياب ٿيڻ ۾ وقت لڳندو پر ٽيم مسلسل ٻيو ڀيرو ورلڊ ڪپ فائنل کيڏي قوم کي هڪ ڀيرو ٻيهر متحد ڪري ڇڏيو آهي.
هن اسپين کي عالمي چيمپيئن بڻجڻ تي مبارڪباد پڻ ڏني.
