پاڪستان سپر ليگ (پي ايس ايل) ۾ پشاور زلمي جي اسپنر صفيان مقيم هن سيزن جي آخري 5 ميچن ۾ لڳاتار 3 يا وڌيڪ وڪيٽون وٺڻ جو رڪارڊ قائم ڪري ورتو آهي.
ڪراچي جي نيشنل اسٽيڊيم ۾ پي ايس ايل 11 جي 23هين ميچ ۾ پشاور زلمي سفيان مقيم جي شاندار بالنگ ۽ ڪپتان بابر اعظم جي بيٽنگ جي بدولت ڪوئيٽا گليڊي ايٽرز کي 8 وڪيٽن تان شڪست ڏئي هن سيزن جي سيمي فائنل ۾ جاءِ ٺاهي پهرين ٽيم بڻجي وئي.
صفيان مقيم جي شاندار بالنگ جي نتيجي ۾ ڪوئيٽا گليڊي ايٽرز جي ٽيم مقرر 20 اوورن ۾ 154 رنسون ٺاهي آئوٽ ٿي وئي، ڪوئيٽا جي حسن نواز سڀ کان وڌيڪ 37 رنسون ٺاهيون، جڏهن ته صفيان 4 اوورن ۾ 25 رنسون ڏئي 3 وڪيٽون ورتيون.
پشاور زلمي ليگ جي موجوده سيزن ۾ هينئر تائين ناقابل شڪست آهي ۽ ڪوئيٽا گليڊي ايٽرز خلاف ميچ ۾ صفيان مقيم کي مين آف دي ميچ قرار ڏنو ويو.
صفيان مقيم ان کان اڳ ملتان سلطانز خلاف 30 رنسون ڏئي 3 وڪيٽون ورتيون، اهڙي طرح لاهور قلندرز خلاف 21 رنسن تي 3 وڪيٽون ورتيون.
پشاور زلمي جي اسپنر ڪراچي ڪنگز خلاف صرف 18 رنسون ڏئي 3 وڪيٽون ورتيون، ان کان اڳ هن حيدرآباد ڪنگز خلاف شاندار بالنگ ڪئي جتي هو پنهنجي بهترين بالنگ ۾ رهيو ۽ ڪنگز لاءِ 4 وڪيٽون ورتيون.
صفيان مقيم پي ايس ايل جي تاريخ ۾ پهريون بالر بڻجي ويو آهي جنهن لڳاتار 5 ميچن ۾ 3 يا ان کان وڌيڪ وڪيٽون ورتيون ۽ هاڻي پشاور زلمي جي گروپ ميچ 19 اپريل تي نيشنل اسٽيڊيم ڪراچي ۾ کيڏي ويندي.
