حج آپريشن 2026 پاڪستان کان باضابطا طور تي شروع ٿي رهيو آهي ۽ پهرين اڏام ڪراچي ايئرپورٽ تان رواني ٿيندي.
ايڪسپريس نيوز موجب ڪراچي ايئرپورٽ تي حاجين جي آمد شروع ٿي وئي آهي ۽ پهرين حج اڏام اڄ رات 3 وڳي جناح ٽرمينل ايئرپورٽ تان رواني ٿيندي.
روڊ ٽامڪا پراجيڪٽ تحت حجاز مقدس روانگي لاءِ روانا ٿيندڙ حاجين جي اميگريشن جو عمل شروع ٿي ويو آهي، پاڪستان ايئرپورٽ اٿارٽي، مذهبي معاملن واري وزارت، پاڪستان ڪسٽم، فيڊرل انويسٽيگيشن ايجنسي (ايف آءِ اي)، اينٽي نارڪوٽڪس فورس (اي اين ايف) جا اهلڪار ڪراچي ايئرپورٽ تي موجود آهن.
ڪراچي ايئرپورٽ تي عازمين حج لاءِ خاص انتظام ڪيا ويا آهن ۽ ڪراچي ايئرپورٽ تان خانگي ايئر لائن سيال جي پهرين اڏام عازمين کي کڻي سعودي عرب لاءِ رواني ٿيندي.
اختيارين موجب هلندڙ سال ڪراچي ايئرپورٽ تان 31 هزار کان وڌيڪ زائرين روانا ٿيندا ۽ سنڌ جو گورنر نهال هاشمي حاجين کي رخصت ڪندو.
