ايشين هاڪي فيڊريشن انڊر 18 ايشيا ڪپ 2026 جي شيڊول جو باضابطا اعلان ڪري ڇڏيو آهي.
تفصيل موجب ايونٽ 29 مئي کان 6 جون تائين جاپان جي شهر ڪاڪميگاهارا ۾ کيڏيو ويندو، جنهن ۾ ايشيا جون بهترين ٽيمون ٽائيٽل لاءِ آمهون سامهون ٿينديون.
ٽورنامينٽ ۾ مردن ۽ عورتن جا الڳ الڳ مقابلا ٿيندا. مردن جي ايونٽ ۾ 9 ٽيمن کي ٻن گروپن ۾ ورهايو ويو آهي.
پول اي ۾ ڀارت، ڪوريا، جاپان، چائنيز تائيپي ۽ قازقستان شامل آهن جڏهن ته پول بي ۾ پاڪستان، ملائيشيا، بنگلاديش ۽ چين شامل آهن.
گرين شرٽس 30 مئي تي صبح 11 وڳي چين خلاف سفر جي شروعات ڪندا. ٻي ميچ 31 مئي تي ملائيشيا سان منجهند 3 وڳي ۽ ٽيون ميچ بنگلاديش سان 3 جون تي منجهند 3 وڳي کيڏيو ويندو.
پاڪستان هاڪي فيڊريشن ايونٽ جي تيارين جي حوالي سان سڄي ملڪ مان ٽرائلز منعقد ڪيا، جڏهن ته يوٿ انڊر 18 نيشنل هاڪي چيمپيئن شپ ۾ انڊر 18 جي باصلاحيت رانديگرن کي آئوٽ ڪيو ويو.
علائقي ۾ جونيئر سطح تي هاڪي جي فروغ لاءِ ايونٽ انتهائي اهميت رکي ٿو.
پول بي ۾ ٽاپ پوزيشن حاصل ڪرڻ لاءِ پاڪستاني ٽيم کي فيورٽ قرار ڏنو پيو وڃي.
