اسٽاڪ مارڪيٽ ۾ ڊجيٽل آن بورڊنگ پاڪستان ۾ سيڙپڪارن لاءِ آسان بڻائي ٿي.
سيڪيورٽيز اينڊ ايڪسچينج ڪميشن آف پاڪستان اينٽي مني لانڊرنگ ضابطن ۾ ترميم جي تجويز ڏني آهي، جنهن جو مقصد سيڙپڪاري جي عمل کي آسان ۽ محفوظ بڻائڻ آهي.
ايس اي سي پي موجب سيڙپڪارن جي اڪائونٽن جي تصديق هاڻي IBAN ۽ Rast ذريعي ممڪن ٿيندي جنهن سان تصديق جو عمل تيز ٿيندو.
اداري جو چوڻ آهي ته بئنڪ اڪائونٽ هولڊرز لاءِ ڪي وائي سي جو عمل به اڳ جي ڀيٽ ۾ وڌيڪ آسان ۽ تيز ڪيو پيو وڃي.
نئين نظام تحت، سيڙپڪار صرف تصديق ٿيل بئنڪ اڪائونٽس يا اي-والٽس ذريعي ٽرانزيڪشن ڪري سگهندا. سيڙپڪارن جي سڃاڻپ لاءِ نادرا جي سهڪار سان منهن جي سڃاڻپ وارو نظام متعارف ڪرائڻ لاءِ تياريون پڻ جاري آهن.
ايس اي سي پي جو چوڻ آهي ته ڊجيٽل سيڙپڪاري جي فروغ سان گڏ اينٽي مني لانڊرنگ فريم ورڪ کي به جديد بڻايو پيو وڃي، تجويز ڪيل ترميمن جو مسودو عوام جي راءِ لاءِ ايس اي سي پي جي ويب سائيٽ تي جاري ڪيو ويو آهي.
