ايران ۾ سيڪيورٽي فورسز تي حملن ۾ ملوث هڪ شخص کي موت جي سزا ٻڌائي وئي آهي.
ايران جي نيم سرڪاري خبر رساں اداري تسنيم موجب جوابدار جي سڃاڻپ عمار رميش جي نالي سان ٿي آهي، جنهن جو تعلق شدت پسند گروپ جيش العدل سان آهي.
اختيارين جو چوڻ آهي ته جوابدار کي ڏکڻ اوڀر ايران ۾ دهشتگردي خلاف آپريشن دوران گرفتار ڪيو ويو ۽ ان تي هٿياربند بغاوت، بم ڌماڪن ۽ سيڪيورٽي اهلڪارن تي حملن ۾ ملوث هجڻ جو الزام آهي.
ايراني اختيارين جو چوڻ آهي ته ملڪ ۾ دهشتگردي جي واقعن خلاف سخت ڪارروائي ڪئي ويندي، جڏهن ته ماهرن موجب اهڙن قدمن سان خطي جي سڪيورٽي صورتحال متاثر ٿي سگهي ٿي.
