لاهور:
پاڪستان مسلم ليگ ن جي سينيئر اڳواڻ راڻا ثناءُ الله چيو آهي ته اڄ به عالمي سپر پاور پاڪستان جي ڪردار ۽ قربانين تي شڪريو ادا ڪري رهيا آهن، جڏهن ته ڀارت شڪست باوجود سازشن ۾ مصروف آهي.
پنهنجي هڪ بيان ۾ راڻا ثناءُ الله الزام هنيو ته ڀارت افغانستان جي سرزمين پاڪستان ۾ دهشتگردي لاءِ استعمال ڪري رهيو آهي پر پاڪستاني قوم ۽ سيڪيورٽي ادارا دشمن جي سمورن عزائم کي ناڪام بڻائڻ جي ڀرپور صلاحيت رکن ٿا.
هن چيو ته وزيراعظم شهباز شريف ۽ فيلڊ مارشل عاصم منير جي قيادت ۾ پاڪستان جو عالمي تشخص مضبوط ٿيو ۽ دنيا ۾ ملڪ جو مقام موثر انداز ۾ اجاگر ڪيو.
راڻا ثناءُ الله چيو ته پوري قوم جي اتحاد ۽ سڪيورٽي فورسز جي قربانين سان دهشتگردي جي ناسور جو مڪمل خاتمو ٿي ويندو ۽ پاڪستان کي امن ۽ استحڪام جو گہوارو بڻايو ويندو.
