ڪراچي:
ڪراچي جي گارڊن پوليس ڪراچي شهر ۾ ڪوڪين ۽ ٻيو خطرناڪ منشيات جي فراهمي ۾ ملوث هڪ اهم شخص جي گرفتاري جو انڪشاف ڪيو آهي، جنهن جي سڃاڻپ انمول عرف پنڪي طور ٿي آهي.
پوليس اختيارين موجب گرفتار جوابدار اينٽي نارڪوٽڪس فورس سميت ڪيترن ئي ادارن کي گهربل هو ۽ مبينا طور تي مختلف ڪيسن ۾ مفرور هو.
پوليس جو چوڻ آهي ته ڪارروائي دوران جوابدارن وٽان هٿيار، گوليون، ڪروڙين روپين جي ڪوڪين، ڪيميڪل ۽ ٻيو منشيات هٿ ڪيو ويو آهي.
شروعاتي جاچ موجب جوابدار ڪراچي ۾ منشيات جو منظم ۽ وسيع سپلائي چين هلائي رهيو هو، جنهن ۾ مخصوص رائيڊرز ذريعي آن لائين آرڊر ۽ ڊليوري شامل هئي.
پوليس موجب ان نيٽ ورڪ ۾ عورت سوارن کي به استعمال ڪيو ويو هو ته جيئن قانون لاڳو ڪندڙ ادارن جي نشاندهي کان بچي سگهجي.
اختيارين دعويٰ ڪئي آهي ته جوابدار جي مبينا خريدارن ۾ تعليمي ادارن جي شاگردن سميت مختلف شعبن جا شاگرد به شامل آهن، جڏهن ته هو روزاني جي بنياد تي لکين رپين جي منشيات وڪرو ڪرڻ ۾ ملوث رهيو آهي.
پوليس موجب، جوابدارن خلاف مختلف ٿاڻن ۾ درجنين کان وڌيڪ ڪيس داخل ڪيا ويا آهن ۽ ان نيٽ ورڪ سان لاڳاپيل ٻين ماڻهن جي ڳولا لاءِ وڌيڪ جاچ ڪئي پئي وڃي.
