ڀارتي اسٽار بيٽسمين ويرات ڪوهلي ٽي ٽوئنٽي ڪرڪيٽ ۾ هڪ ٻيو تاريخي اعزاز حاصل ڪري ورتو آهي.
رائل چيلنجرز بنگلورو جي ڪولڪتا نائيٽ رائيڊرز خلاف ميچ ۾ ڪوهلي ٽي 20 فارميٽ ۾ 14 هزار رنسون مڪمل ڪندڙ دنيا جو تيز ترين بيٽسمين بڻجي ويو.
ڪوهلي اهو سنگ ميل صرف 409 اننگز ۾ پورو ڪيو جڏهن ته اڳوڻو رڪارڊ ويسٽ انڊيز جي جارحاڻي بيٽسمين ڪرس گيل وٽ هو جنهن 423 اننگز ۾ 14 هزار رنسون مڪمل ڪيون.
ويرات ڪوهلي کي دنيا جي ڪامياب ترين T20I بيٽسمينن مان هڪ سمجهيو ويندو آهي ۽ مختصر فارميٽ ۾ سندس نئين رڪارڊ کي سندس ڊگهي ۽ ڪامياب ڪرڪيٽ ڪيريئر ۾ هڪ ٻيو سونهري باب قرار ڏنو پيو وڃي.
