افغانستان لاءِ گڏيل قومن جي امدادي مشن (يوناما) جي تازي رپورٽ افغان عوام جي حالت زار جو انڪشاف ڪيو آهي.
ميڊيا رپورٽن موجب يوناما جي جنوري کان مارچ جي ٽه ماهي رپورٽ ۾ انڪشاف ڪيو ويو آهي ته طالبان جي حڪومت ۾ افغان عورتن جي تعليم، روزگار ۽ آزادانه حرڪت تي پابندي پنجين سال به جاري آهي.
افغانستان جي اروزگان، پڪتيا، قنڌار ۽ غزني ۾ محرم کانسواءِ عورتن جي علاج ۽ خريداري تي سخت پابنديون آهن.
اڳوڻي افغان فوجي اهلڪارن کي طالبان حڪومت پاران نشانو بڻائڻ جو سلسلو جاري آهي، هن وقت تائين 23 گرفتارين ۽ 9 جي موت جي تصديق ٿي آهي.
افغانستان ۾ ميڊيا تي سخت سينسرشپ برقرار آهي، جڏهن ته حڪومت جي پاليسين تي تنقيد سبب ٽي وي ’راه فردا‘ جي نشريات اڃا تائين معطل آهي.
