وچ اوڀر ۾ جاري بحران ۽ پاڪستان جي هوائي حدن جي بندش سبب ايئر انڊيا جو ساليانو نقصان 2 ارب ڊالرن کان وڌي ويو آهي. ايڪسپريس نيوز جي رپورٽ موجب ڀارت جي مودي حڪومت جي ناقص پاليسين پرڏيهي سيڙپڪارن جي زوال پذير ڀارتي معيشت تي بي اعتمادي ۾ اضافو ڪيو آهي ۽ سنگاپور ايئرلائنس جي شيئر هولڊر ايئر انڊيا جي رپورٽ ڀارتي هوائي جهازن جي زوال پذير ساک کي بي نقاب ڪري ڇڏيو آهي. پرڏيهي خابرو اداري رائٽرز موجب ڀارتي ايئر لائن ايئر انڊيا جو ساليانو خسارو 2 ارب ڊالرن کان وڌي ويو آهي. وچ اوڀر ۾ ڇڪتاڻ ۽ پاڪستان طرفان فضائي حدن جي بندش سبب ايئر انڊيا سنگين مسئلن جو شڪار آهي. رپورٽ ۾ چيو ويو آهي ته گذريل ڪجهه مهينن ۾، ايئر انڊيا پنهنجون ڪيتريون ئي بين الاقوامي پروازون بند ڪري ڇڏيون آهن ۽ سيڙپڪاري ۾ پڻ گهٽتائي آئي آهي. وڌيڪ ٻڌايو ويو آهي ته انڊين ايئر لائنز جي سالياني منافعي ۾ 57.4 سيڪڙو گهٽتائي رڪارڊ ڪئي وئي، جنهن ۾ وڌيڪ واڌ جو امڪان آهي. ماهرن موجب پاڪستان جي موثر حڪمت عملي سبب ڀارتي ايئرلائن کي سخت نقصانن جو منهن ڏسڻو پئجي رهيو آهي، اهو نه رڳو هڪ ايئرلائن جو نقصان آهي پر اهو ڀارتي معيشت جي ڪمزوري ۽ ايئر انڊيا جي نااهلي جو واضح ثبوت آهي.
Source link
Leave a Comment Leave a Comment
