اسلام آباد:
حڪومت پاران ايندڙ مالي سال 27-2026ع جي وفاقي بجيٽ ۾ مقامي طور تي تيار ٿيندڙ گاڏين جي خام مال تي ٽيڪس گهٽ ڪرڻ جو امڪان آهي.
ان سلسلي ۾ مقامي طور تي تيار ٿيندڙ گاڏين لاءِ قومي سراسري ٽيرف 6 سيڪڙو کان گھٽ رکڻ جي تجويز ڏني وئي آهي.
ذريعن موجب نئين بجيٽ ۽ پهرين جولاءِ کان نئين آٽو پاليسي ۾ مقامي آٽو انڊسٽري جي واڌاري لاءِ تجويزون ڏنيون ويون آهن، اليڪٽرڪ وهيڪل پاليسي جو دائرو سڀني نيون انرجي گاڏين تائين وڌائڻ جي تجويز ڏني وئي آهي.
اهڙي طرح، EVs، پلگ ان هائبرڊس ۽ فيول سيل گاڏين کي به رعايتي محصول ۾ شامل ڪرڻ جي تجويز ڏني وئي آهي. ان کان علاوه نيشنل ٽيرف پاليسي تحت اضافي ڪسٽم ڊيوٽي ختم ڪرڻ ۽ ريگيوليٽري ڊيوٽي گهٽائڻ جي به تجويز آهي.
درآمد ٿيل ۽ تيار ٿيل گاڏين جي ڀيٽ ۾ مقامي طور تي گڏ ٿيل EVs کي ترجيحي تحفظ ڏيڻ جي تجويز تي پڻ غور ڪيو پيو وڃي.
ذريعن جو چوڻ آهي ته مقامي طور تي ٺاهيل گاڏين لاءِ قومي سراسري ٽيرف 6 سيڪڙو کان گهٽ رکڻ جي تجويز ڏني وئي آهي جڏهن ته سي جي ڊي پارٽس تي تجويز ڪيل رعايتي ڪسٽم ڊيوٽي 30 جون 2028 تائين برقرار رکڻ جي تجويز آهي.
حڪومت پڻ تجويز ڪئي آهي ته آٽو شعبي جي ترغيب کي عام نظام ۾ منتقل ڪيو وڃي.
