ڪراچي:
پاڪستان کي سعودي عرب کان وڌيڪ ارب ڊالر مليا.
اسٽيٽ بئنڪ آف پاڪستان تصديق ڪئي آهي ته سعودي عرب مان 3 ارب ڊالر جي ٻي قسط جي هڪ ارب ڊالر پاڪستان کي ملي ويا آهن. ان کان اڳ 2 ارب ڊالر جي پهرين قسط 15 اپريل تي ملي هئي.
واضح رهي ته 15 اپريل تي اسٽيٽ بئنڪ هڪ بيان ۾ چيو هو ته سعودي ناڻي واري وزارت کان 2 ارب ڊالر وصول ڪرڻ سان گڏ سعودي عرب پاڪستان جي پرڏيهي مٽاسٽا جي ذخيرن کي مستحڪم ڪرڻ لاءِ مجموعي طور تي 3 ارب ڊالر جي فنانسنگ جو يقين ڏياريو آهي.
بعد ۾ سعودي عرب پاڪستان ۾ رکيل 3 ارب ڊالرن جا ذخيرا به واپس ورتا، جنهن لاءِ اسٽيٽ بئنڪ ۽ سعودي فنڊ فار ڊولپمينٽ وچ ۾ باضابطه معاهدو ٿيو، جنهن تي آمريڪا ۾ صحيحون ڪيون ويون.
ناڻي واري وزارت موجب ناڻي واري وفاقي وزير محمد اورنگزيب واشنگٽن ڊي سي ۾ اهم مالياتي معاهدي تي صحيحن واري تقريب ۾ شرڪت ڪئي، جنهن ۾ آمريڪا ۾ پاڪستان جو سفير پڻ موجود هو. تقريب ورلڊ بئنڪ ۽ انٽرنيشنل مانيٽري فنڊ (IMF) جي 2026 جي اسپرنگ سيشن جي موقعي تي منعقد ڪئي وئي.
ان حوالي سان جاري ڪيل بيان ۾ چيو ويو آهي ته سعودي فنڊ فار ڊولپمينٽ (ايس ايف ڊي) ۽ اسٽيٽ بينڪ آف پاڪستان (ايس بي پي) وچ ۾ معاهدو طئي ٿيو آهي، جنهن تحت اسٽيٽ بينڪ ۾ رکيل 3 ارب ڊالر جي سعودي رقم جي مدي ۾ واڌ ڪئي وئي آهي.
