لاهور جي علائقي سندر ۾ نوجوان گهريلو ملازم تي تشدد ڪندڙ عورت کي گرفتار ڪيو ويو.
ترجمان ڊي آءِ جي آپريشنز موجب نوجوان ملازم ايمان فاطمه تي تشدد جي واقعي جو ڪيس داخل ڪيو ويو آهي.
ڇوڪري جي ناني جي فرياد تي سندر ٿاڻي تي ڪيس نمبر 1671/26 داخل ڪيو ويو.
ايف آءِ آر موجب گهر جي مالڪ انعم ڇوڪري تي چوري جو ڪوڙو الزام هڻي تشدد ڪيو. مقتول جي جسم، هٿن ۽ اکين ڀرسان تشدد جا نشان مليا آهن.
پوليس فوري ڪارروائي ڪندي جوابدار انعم کي گرفتار ڪري ورتو، پوليس ثبوت گڏ ڪرڻ بعد جاچ شروع ڪري ڇڏي آهي.
ترجمان ڊي آءِ جي آپريشنز جو چوڻ آهي ته مقتول ڇوڪري کي قانوني تحفظ ۽ انصاف جي فراهمي کي يقيني بڻايو پيو وڃي جڏهن ته جوابدار کي وڌيڪ جاچ لاءِ انويسٽيگيشن ونگ جي حوالي ڪيو ويو آهي.
ڊي آءِ جي آپريشنز جو چوڻ آهي ته ٻارن ۽ عورتن تي تشدد ۽ گهريلو ملازمن سان ناروا سلوڪ ڪنهن به صورت ۾ برداشت نه ڪيو ويندو. لاهور پوليس ڪمزور ۽ لاچار ماڻهن جي تحفظ لاءِ زيرو ٽالرنس جي پاليسي تي عمل جاري رکي ٿي.
