اسلام آباد:
پرڏيهي آفيس گلوبل پيس فلوٽلا ۾ انساني حقن جي ڪارڪنن جي غيرقانوني حراست ۽ اسرائيلي ظلم جي سخت مذمت ڪئي آهي.
ان حوالي سان جاري ڪيل بيان ۾ چيو ويو آهي ته پاڪستان حڪومت عالمي پاڻين ۾ اسرائيلي قابض فوج پاران گلوبل اسٽيبلشمينٽ فلوٽلا جي غير قانوني حراست، انساني حقن جي ڪارڪنن جي غلط گرفتارين ۽ ناروا سلوڪ جي سخت لفظن ۾ مذمت ڪري ٿي.
پرڏيهي آفيس موجب پاڪستاني انساني حقن جو ڪارڪن سعد ايڌي به گرفتار ٿيلن ۾ شامل آهي. پاڪستان مطالبو ڪيو آهي ته غيرقانوني طور تي حراست ۾ ورتل سمورن ڪارڪنن کي فوري طور آزاد ڪيو وڃي.
بيان ۾ چيو ويو آهي ته پاڪستان عالمي برادري کان مطالبو ڪري ٿو ته قيدين جي تحفظ، وقار ۽ بنيادي حقن کي يقيني بڻايو وڃي.
پرڏيهي وزارت خطي ۾ پاڪستاني سفارتي مشنز سان مسلسل رابطي ۾ آهي ته جيئن حراست ۾ ورتل پاڪستاني شهري جي محفوظ واپسي کي يقيني بڻائي سگهجي.
