شهر جي مختلف علائقن ۾ پاڻي جي فراهمي اوچتو بند ٿي وئي آهي.
گلشن اقبال، گلستان جوهر، ملير، ڪورنگي، لانڍي، لياقت آباد، ناظم آباد ۽ ٻين علائقن ۾ پاڻي جي فراهمي متاثر آهي.
صبح کان صفورا ۽ نيپا هائيڊرنٽس مان پاڻي جي فراهمي به بند ٿي وئي آهي، شهرين کي پاڻي حاصل ڪرڻ ۾ سخت پريشانين کي منهن ڏيڻو پئجي رهيو آهي، جڏهن ته ٽينڪر مافيا مهانگي اگهه تي پاڻي وڪرو ڪري رهيو آهي.
واٽر ڪارپوريشن جي ترجمان موجب ڌاٻيجي پمپنگ اسٽيشن تي بجلي جي بريڪ ڊائون سبب ٽن مختلف هنڌن تان ڪراچي کي پاڻي فراهم ڪندڙ 72 انچ قطر جي لائين نمبر 5 متاثر ٿي.
20 ۽ 21 مئي جي وچ ۾ ڌاٻيجي پمپنگ اسٽيشن تي بجلي جو بريڪ ڊائون ٿيڻ سبب ڌاٻيجي پمپنگ اسٽيشن جا 2 پمپ بند ٿي ويا ۽ ڪراچي کي پاڻي فراهم ڪندڙ 72 قطر انچ لائين نمبر 5 ٽن مختلف هنڌن تان پاڻي جي بريڪ پريشر سبب متاثر ٿي.
ترجمان جو چوڻ هو ته پمپن جي بندش سبب شهر ۾ روزانو 48 ملين گيلن پاڻي جي کوٽ جو خدشو آهي.
