نيو يارڪ:
نيويارڪ ۾ نائب وزيراعظم ۽ پرڏيهي وزير سينيٽر اسحاق ڊار ۽ چيني پرڏيهي وزير وانگ يي وچ ۾ ملاقات ٿي ملاقات ۾ خطي ۾ امن ۽ استحڪام تي خيالن جي ڏي وٺ ڪئي وئي.
ٻنهي اڳواڻن خطي جي موجوده صورتحال ۽ ڳالهين ۽ سفارتڪاري جي فروغ لاءِ پاڪستان جي جاري ڪوششن تي خيالن جي ڏي وٺ ڪئي.
چيني پرڏيهي وزير وانگ ي امن جي فروغ لاءِ پاڪستان جي تعميري ڪردار کي ساراهيو ۽ ڀرپور حمايت جو ورجاءُ ڪيو.
ملاقات ۾ وزيراعظم محمد شهباز شريف ۽ سندس وفد جي چين جي تازي ڪامياب دوري جو به ذڪر ڪيو ويو.
ٻنهي اڳواڻن سفارتي لاڳاپن کي 75 سال مڪمل ٿيڻ تي پاڪستان ۽ چين جي وچ ۾ ڊگهي دوستي ۽ اسٽريٽجڪ تعاون کي وڌيڪ مضبوط بڻائڻ جي عزم جو اظهار ڪيو.
نائب وزيراعظم/ پرڏيهي وزير سينيٽر محمد اسحاق ڊار @MIshaqDar50 هن اڄ نيويارڪ ۾ عوامي جمهوريه چين جي پرڏيهي وزير وانگ يي سان ملاقات ڪئي.
ٻنهي اڳواڻن علائقائي صورتحال تي خيالن جي ڏي وٺ ڪئي ۽ پاڪستان جي… pic.twitter.com/l8hpUWt87M
– وزارت خارجه – پاڪستان (@ForeignOfficePk) مئي 28، 2026
نائب وزيراعظم ۽ پرڏيهي وزير اسحاق ڊار چين جي پرڏيهي وزير وانگ يي جي دعوت تي نيويارڪ پهتو آهي. اسحاق ڊار گڏيل قومن جي سلامتي ڪائونسل جي اوپن ڊيبيٽ ۾ شرڪت ڪئي.
پرڏيهي آفيس جي ترجمان موجب اجلاس 26 مئي تي چين جي صدارت هيٺ ”عالمي امن ۽ سلامتي جو قيام: گڏيل قومن جي چارٽر جي مقصدن ۽ اصولن جو تحفظ ۽ گڏيل قومن جي مرڪزي ڪردار تي ٻڌل عالمي نظام جي استحڪام“ جي عنوان هيٺ منعقد ٿيو.
