ڪراچي:
شهر قائد جي مختلف علائقن ۾ پوليس ۽ جوابدارن وچ ۾ مبينا مقابلن دوران 7 جوابدارن کي گرفتار ڪري ورتو، جڏهن ته هڪ جوابدار فرار ٿيڻ ۾ ڪامياب ٿي ويو.
تفصيل موجب سينٽرل ضلعي جي علائقي عزيز آباد ۾ وائيٽ هائوس اسڪول ڀنگوريا ڳوٺ بلاڪ 8 جي ويجهو پوليس ۽ اسٽريٽ ڪرمنلز وچ ۾ فائرنگ جي ڏي وٺ ٿي.
پوليس موجب مقابلي جي نتيجي ۾ ٻن جوابدارن شعيب عرف ڪاشي ولد محمد اسلم ۽ محمد علي عرف علي ولد منير احمد کي زخمي حالت ۾ گرفتار ڪيو ويو.
جوابدارن جي قبضي مان 2 30 بور پستول ۽ 7 گوليون هٿ ڪيون ويون آهن. پوليس جو چوڻ آهي ته جوابدار شڪ جي حالت ۾ هئا ۽ پوليس کي ڏسي فائرنگ ڪري فرار ٿيڻ جي ڪوشش ڪئي، پر جوابي ڪارروائي ۾ جوابدار زخمي ٿي پيا، جن کي گرفتار ڪري ورتو.
ٻنهي جوابدارن کي طبي امداد لاءِ اسپتال منتقل ڪيو ويو، جڏهن ته سندن ڪرمنل رڪارڊ ۽ ٻين واقعن ۾ ملوث هجڻ بابت جاچ ڪئي پئي وڃي.
ٻئي طرف اوڀر ضلعي جي علائقي خالد بن وليد روڊ تي وفاقي سول حساس اداري ۽ فيروز آباد پوليس جي گڏيل ڪارروائي دوران جوابدارن ۾ جهيڙو ٿي پيو، جنهن جي نتيجي ۾ ٻن جوابدارن سميت 3 جوابدارن کي گرفتار ڪيو ويو.
پوليس موجب گرفتار جوابدارن جو تعلق بين الصوبائي ڊڪٽي گروپ سان آهي، جڏهن ته سندن قبضي مان هٿيار، موبائل فون ۽ نقدي پڻ هٿ ڪئي وئي آهي. ٻئي طرف سر سيد ٿاڻي جي حد انڊا موري سيڪٽر 10 يونس مسجد وٽ پوليس مقابلي دوران ٻن جوابدارن محمد نديم ولد محمد بخش ۽ نظام الدين ولد رب نواز کي زخمي حالت ۾ گرفتار ڪري ورتو.
پوليس جوابدارن جي قبضي مان 2 30 بور ٽي ٽي پستول، 5 گوليون، ٽي موبائيل فون، نقدي، پرس ۽ هڪ موٽرسائيڪل هٿ ڪري ورتي.
پوليس اختيارين موجب گرفتار جوابدارن کان اڳوڻو ڪرمنل رڪارڊ ۽ ٻين وارداتن ۾ ملوث هجڻ بابت جاچ ڪئي پئي وڃي.
گرفتار جوابدار جي سڃاڻپ سفيان ولد اشرف طور ٿي آهي. پوليس موجب جوابدار تنوير، سندس زال ۽ 4 ورهين جي نينگري کان بندوق جي زور تي موبائل فون، پرس ۽ نقدي چوري ڪري فرار ٿي رهيا هئا.
فائرنگ جي ڏي وٺ کانپوءِ هڪ جوابدار کي زخمي حالت ۾ گرفتار ڪيو ويو جڏهن ته ٻيو فرار ٿي ويو. هٿ آيل سامان مقتول جي وارثن کي واپس ڪيو ويو.
