پيٽروليم واري وفاقي وزير علي پرويز ملڪ بيرڪ ڪمپني جي چيئرمين جان ٿارنٽن سان ملاقات ڪئي، جنهن ۾ ريڪوڊڪ منصوبي تي اهم اڳڀرائي تي اتفاق ڪيو ويو ۽ ڪمپني منصوبي کي مڪمل ڪرڻ جي عزم جو اظهار ڪيو. ان حوالي سان جاري ڪيل بيان ۾ چيو ويو آهي ته پيٽروليم واري وفاقي وزير علي پرويز ملڪ ۽ بيرڪ جي چيئرمين جان ٿارنٽن ملاقات ڪئي جنهن ۾ ريڪوڊڪ ۾ هلندڙ سرگرمين کي اڳتي وڌائڻ جي ڪوششن تي خيالن جي ڏي وٺ ڪئي وئي. ان موقعي تي ريڪوڊڪ ڪاپر گولڊ منصوبي جي مڪمل ٿيڻ لاءِ تعاون جاري رکڻ تي اتفاق ڪيو ويو. جان ٿارنٽن چيو ته بيرڪس ريڪو پروجيڪٽ کي مڪمل ڪرڻ لاءِ پرعزم آهي ۽ ريڪو پراجيڪٽ لاءِ پاڪستان حڪومت جي مسلسل سهڪار کي ساراهي ٿو. وفاقي وزير علي پرويز ملڪ چيو ته منصوبو پاڪستان جي ايڪسپورٽ ۽ معدني شعبي جي ترقي لاءِ اسٽريٽجڪ اهميت جو حامل آهي، ريڪوڊڪ پاڪستان جي معدني شعبي لاءِ فليگ شپ پراجيڪٽ آهي. هن چيو ته ريڪوڊڪ سان سيڙپڪاري، روزگار ۽ ترقي جا موقعا وڌندا.
Source link
Leave a Comment Leave a Comment
