پلندري: آزاد ڪشمير جي اڳوڻي وزيراعظم ۽ تازو ئي استحڪام پاڪستان پارٽي ۾ شامل ٿيل سردار تنوير الياس جي قافلي تي فائرنگ ڪئي وئي، جنهن جي نتيجي ۾ هڪ سيڪيورٽي گارڊ مارجي ويو ۽ ڪيترائي زخمي ٿي پيا.
ايڪسپريس نيوز موجب ٽنڊي الهيار ۾ اڳوڻي وزيراعظم سردار تنوير الياس جي قافلي تي فائرنگ ڪئي وئي. هوڏانهن اطلاع آهن ته فائرنگ جي نتيجي ۾ اڳوڻو خاص مددگار سردار امتياز شاهين زخمي ٿي پيو، جڏهن ته فائرنگ سبب قافلي جي ڪيترن ئي گاڏين جا شيشا ٽٽي ويا.
رپورٽن مطابق سردار تنوير الياس خان قافلي سميت ٻن ڏينهن جي دوري تي راولڪوٽ وڃي رهيو هو.
فائرنگ ۾ مارجي ويل سڪيورٽي گارڊ سردار آصف يوسف جو تعلق تيرا گوڙ پلندري سان هو، سردار آصف يوسف ڪجهه عرصو اڳ وزيراعظم پاڪستان جي سڪيورٽي ڊيوٽي تان رٽائر ٿيو هو ۽ کيس سردار تنوير الياس جي ذاتي سيڪيورٽي تي مقرر ڪيو ويو هو، جيڪو مٿي تي گولي لڳڻ سبب مارجي ويو هو.
