آسٽريلوي اداڪارا ڪيٽي پيري تي هراسان ڪرڻ جا سنگين الزام، پوليس جي جاچ شروع

دنيا جي مشهور ڳائڻي ڪيٽي پيري هڪ نئين تڪرار ۾ اچي وئي آهي، جتي پوليس آسٽريلوي اداڪارا روبي روز جي سنگين الزامن کانپوءِ باضابطا جاچ شروع ڪري ڇڏي آهي. ميڊيا رپورٽن موجب روبي روز گذريل ڏينهن سوشل ميڊيا پليٽ فارم تي ڪيترن ئي پوسٽن ۾ دعويٰ ڪئي هئي ته ڪيترائي سال اڳ ميلبورن جي هڪ نائيٽ ڪلب ۾ ساڻس نامناسب سلوڪ ڪيو ويو هو. اداڪارا جو چوڻ هو ته هن واقعي کي ڪافي عرصي تائين لڪائي رکيو پر هاڻي لڳ ڀڳ ٻن ڏهاڪن کانپوءِ هن ان بابت ڳالهائڻ جو فيصلو ڪيو آهي. روبي روز پنهنجي پوسٽن ۾ اهو به چيو ته ان واقعي جو سندس زندگي تي گهرو اثر پيو ۽ اهو ئي سبب هو جو هو ايترا سال خاموش رهي. هن 14 اپريل تي چيو ته هوءَ پنهنجون سموريون رپورٽون مڪمل ڪري چڪيون آهن ۽ پوليس جي هدايتن موجب هن معاملي تي عوامي سطح تي وڌيڪ بحث نه ٿي ڪري سگهي. ٻئي طرف ڪيٽي پيري جي ٽيم انهن الزامن کي سختي سان رد ڪندي انهن کي ”بي بنياد ۽ خطرناڪ ڪوڙ“ قرار ڏنو آهي. گلوڪار جي نمائندي چيو ته روبي روز ماضي ۾ به مختلف شخصيتن تي سنگين الزام لڳائيندي رهي آهي، جن کي لاڳاپيل ماڻهن رد ڪري ڇڏيو آهي. آسٽريليا پوليس تصديق ڪئي آهي ته مبينا واقعي جي تحقيقات جاري آهي. اختيارين موجب، ميلبورن جي جنسي هراساني ۽ ٻارن جي استحصال جي جاچ ٽيم ڪيس جي جاچ ڪري رهي آهي، جيڪو مبينا طور تي 2010 ۾ ميلبورن جي هڪ هنڌ تي ٿيو هو، پوليس جو چوڻ آهي ته جاچ اڃا شروعاتي مرحلن ۾ آهي، تنهن ڪري وڌيڪ تفصيل ڏيڻ وقت کان اڳ هوندو. جڏهن ته ان معاملي عالمي شوبز انڊسٽري ۾ هڪ نئين بحث کي جنم ڏنو آهي، جنهن تي سوشل ميڊيا تي مداحن پاران مليل رد عمل سامهون اچي رهيو آهي.



Source link