ڪراچي:
شهر قائد جي مختلف علائقن ۾ فائرنگ جي واقعن ۾ 5 ڄڻا زخمي ٿي پيا.
يوسف گوڙ 100 فٽ روڊ تي فائرنگ جي نتيجي ۾ 2 ڄڻا زخمي ٿي پيا.
ڇاپو اختيارين موجب زخمين کي سول اسپتال منتقل ڪيو ويو آهي. ڪراچي پوليس جي ترجمان موجب فائرنگ جو واقعو ذاتي تڪرار دوران ٿيو، جنهن جي نتيجي ۾ ٻه ڀائر 30 ورهين جو ظفر اولد سلام ۽ 25 ورهين جو عمر ولد سلام زخمي ٿي پيا.
ٻنهي زخمين کي فوري طور سول اسپتال منتقل ڪيو ويو، جڏهن ته واقعي جي وڌيڪ جاچ ڪئي پئي وڃي.
ٻئي طرف ڪورنگي عوامي ڪالوني انڊسٽريل ايريا ۾ مشتاق هوٽل ڀرسان نامعلوم طرف کان ايندڙ گولي لڳڻ سبب 35 ورهين جو جان محمد ولد علي اڪبر زخمي ٿي پيو.
زخمين کي طبي امداد لاءِ جناح اسپتال منتقل ڪيو ويو. پوليس موجب واقعي جي جاچ جاري آهي.
ٻئي طرف بوٽ بيسن ٿاڻي جي حد شاهه رسول ڪالوني گهٽي نمبر 2 ۾ ذاتي دشمني تان فائرنگ جي نتيجي ۾ 30 ورهين جو ڪامران پٽ نثار احمد زخمي ٿي پيو.
پوليس موجب فائرنگ جي واقعي ۾ ملوث جوابدارن جي ڳولا ڪئي پئي وڃي. ان کان علاوه لياقت آباد سي ايريا ۾ دڪني مسجد ڀرسان 24 ورهين جي سبحان ولد شمس الدين پنهنجي ئي هٿياربندن کي زخمي ڪري ڇڏيو.
پوليس موجب حادثي ۾ زخمي ٿيل نوجوان ٽريننگ هيٺ پوليس اهلڪار آهي. نوجوان کي عباسي شهيد اسپتال منتقل ڪيو ويو.
