آسٽريلوي ٽيم 28 سالن کانپوءِ پاڪستان ۾ ون ڊي سيريز کٽڻ جا خواب ڏسڻ شروع ڪري رهي آهي.
تفصيل موجب پاڪستان ۽ آسٽريليا جي ٽيمن وچ ۾ ٽن ون ڊي ميچن تي ٻڌل سيريز جي فيصلائتي ميچ اڄ لاهور ۾ کيڏي ويندي.
آسٽريليا 1998 کان پاڪستان ۾ ون ڊي سيريز نه کٽي آهي، پر ان ۾ 24 سالن جو وقفو شامل آهي جڏهن آسٽريليا ٽيم پاڪستان ۾ ڪرڪيٽ نه کيڏي هئي.
ٻئي طرف پاڪستان، 2015 کان وٺي گهر ۾ ڪنهن به ٻه طرفي ون ڊي سيريز ۾ صرف هڪ ڀيرو هارايو آهي.
آسٽريلوي ٽيم پاڪستان کي گذريل ٻن (هوم ۽ اوو) سيريز ۾ 1-2 تان شڪست ڏئي چڪي آهي، پر هن ڀيري پاڪستان جي سينيئر بيٽسمينن جي خراب فارم آسٽريليا لاءِ بهترين موقعو ثابت ٿي سگهي ٿي.
آسٽريليا جو ناٿن ايلس تازو ئي بابر اعظم جو نمبر ون دشمن بڻجي ويو آهي. هن هن وقت تائين صرف 5 ون ڊي ميچن ۾ بابر اعظم کي 3 ڀيرا آئوٽ ڪيو آهي، هو انهن چند بالرن مان هڪ آهي جن هڪ ئي فارميٽ ۾ بابر اعظم کي ايترا ڀيرا آئوٽ ڪيو آهي.
