ريووليوشنري گارڊز آبنائے هرمز ۾ هڪ آمريڪي ڪمپني سان واسطو رکندڙ هڪ مال بردار جهاز کي حراست ۾ وٺي ڇڏيو آهي.
ايراني خبرن جي ايجنسين موجب مال بردار جهاز کي بحري ٽرانزٽ قانونن ۽ ضابطن جي ڀڃڪڙي ڪرڻ تي حراست ۾ ورتو ويو.
انقلابي گارڊز جو چوڻ آهي ته 4 تجارتي جهاز آمريڪي فوج جي نگراني ۾ آبنائے هرمز مان گذرڻ جي ڪوشش ڪري رهيا هئا، جن مان هڪ کي روڪيو ويو.
ايراني ميڊيا پاسداران انقلاب جي ذريعن جي حوالي سان ٻڌايو ته آمريڪي جهازن مان هڪ کي حراست ۾ ورتو ويو، جڏهن ته ٻيا ٽي جهاز واپس هليا ويا.
ايراني ميڊيا مبينا واقعي جي وڊيو فوٽيج پڻ جاري ڪئي آهي، جنهن ۾ ڏيکاريو ويو آهي ته تيز رفتار ايراني ٻيڙيون هڪ وڏي واپاري ٻيڙي جي چوڌاري گشت ڪنديون آهن.
بهرحال، جهاز جي ملڪيت، پرچم ۽ سامان جي نوعيت بابت مڪمل تفصيل فوري طور تي دستياب نه هئا.
هن وقت تائين آمريڪي حڪومت يا آمريڪي سينٽرل ڪمان طرفان ان واقعي تي ڪو به باضابطه ردعمل جاري ناهي ڪيو ويو. جيتوڻيڪ آزاد ذريعن هن دعوي جي فوري طور تي تصديق نه ڪري سگهيا آهن.
ياد رهي ته آبنائي هرمز دنيا جي اهم سامونڊي واپاري رستن مان هڪ آهي، جنهن ذريعي عالمي سطح تي خام تيل ۽ گئس جو وڏو مقدار گذرندو آهي.
هن اهم پاڻي واري رستي ۾ ڪنهن به فوجي ڪارروائي عالمي توانائي مارڪيٽن ۽ بين الاقوامي واپار کي متاثر ڪري سگهي ٿي.
ماضي ۾، ايران بار بار دعوي ڪئي آهي ته پرڏيهي ڪمرشل ۽ آئل ٽينڪرز کي بحري قانونن جي ڀڃڪڙي يا سيڪيورٽي سببن جي ڪري پڪڙيو وڃي.
جنهن تي آمريڪا ۽ مغربي ملڪ ايران جي اهڙن عملن کي عالمي شپنگ لاءِ خطرو قرار ڏئي رهيا آهن.
