ايران آمريڪا ڇڪتاڻ جي تناظر ۾ پاڪستان جي طرفان جاري سفارتي سرگرمين جي نتيجي ۾ ڳالهين جي ٻئي مرحلي جي حوالي سان مثبت اميدون پيدا ٿي رهيون آهن.
ان حوالي سان ماهرن ۽ اڳوڻي سفارتڪارن خدشو ظاهر ڪيو آهي ته جيڪڏهن ڳالهيون ڪامياب ٿيون ته اها پيش رفت ڪنهن وڏي معاهدي جي صورت اختيار ڪري سگهي ٿي.
پاڪستان چائنا انسٽيٽيوٽ جي چيئرمين مشاهد حسين سيد خانگي ٽي وي پروگرام ۾ چيو آهي ته جيڪڏهن ڳالهيون ڪامياب ٿيون ته ڊونلڊ ٽرمپ پاڻ پاڪستان اچي معاهدي تي صحيح ڪندو. هن چيو ته آمريڪي صدر اها ذميواري ڪنهن ٻئي جي حوالي نه ڪندو.
هن چيو ته ان ممڪن پيش رفت جي صورت ۾ ايران جي صدر مسعود المبارڪان جي پاڪستان آمد جي به اميد ڪري سگهجي ٿي.
ٽي وي پروگرام ۾ اڳوڻي پرڏيهي سيڪريٽري اعزاز احمد چوڌري به ڳالهين جي ايندڙ مرحلي جي حوالي سان پراميد موقف اختيار ڪندي چيو ته ٻئي دور جا هاڪاري نتيجا اچڻ جا امڪان آهن، جنهن سان ڇڪتاڻ گهٽائڻ جي راهه هموار ٿي سگهي ٿي.
واضح رهي ته گذريل ڏينهن آمريڪي صدر ڊونلڊ ٽرمپ مستقبل جي ڳالهين جي ترجيح پاڪستان ۾ ٿيڻ جو اعلان ڪيو هو. هن ان سلسلي ۾ فيلڊ مارشل عاصم منير جي ڪوششن کي به ساراهيو آهي.
ٻئي طرف هڪ آمريڪي اخبار سان ڳالهه ٻولهه دوران ٽرمپ اشارو ڏنو ته ايندڙ ڪجهه ڏينهن ۾ اهم اڳڀرائي جي اميد ڪري سگهجي ٿي. ڳالهين لاءِ پاڪستان جو انتخاب وڌيڪ مناسب لڳي ٿو.
