اسلام آباد:
ايئر فورس جي گروپ ڪيپٽن کي شهيد ڪرڻ واري ڪيس ۾ گرفتار جوابدار جي سي سي ٽي وي فوٽيج سامهون اچي وئي آهي.
پوليس موجب فوٽيج ۾ جوابدار کي فيض آباد بس اسٽينڊ مان لاهور ويندي ڏٺو وڃي ٿو، جڏهن ته هڪ ٻي وڊيو ۾ کيس دڪان تي ڪپڙا تبديل ڪندي به ڏٺو پيو وڃي.
https://img.express.pk/media/videos/pindi_firing_case_footage.mp4
پوليس موجب گرفتار جوابدار سعد عباسي ٿاڻي جي حد کهنه روڊ جو رهواسي آهي، سندس عمر 20 سال آهي ۽ سندس تعليم ميٽرڪ آهي. پوليس جو چوڻ آهي ته جوابدار اليڪٽرونڪس جي دڪان تي سيلزمين جو ڪم به ڪندو هو.
پوليس موجب جوابدار ڇوڪري کي زبردستي پاڻ سان گڏ وٺي وڃڻ چاهيو پر ڇوڪري انڪار ڪيو، جنهن بعد ٻنهي ۾ جهيڙو ٿي پيو. پوليس موجب ان دوران اتان لنگهندڙ گروپ ڪيپٽن جوابدار کي روڪيو ۽ ڇوڪري سان زيادتي ڪئي، جنهن تي جوابدار ڪاوڙ ۾ اچي ويو ۽ ڪار ۾ سوار گروپ ڪيپٽن تي فائرنگ ڪري فرار ٿي ويو.
https://img.express.pk/media/videos/pindi_firing_case_footage2.mp4
واقعي جو اطلاع ملندي ئي ايس پي سٽي واقعي واري هنڌ پهچي سندس اڳواڻي ۾ پوليس ڪارروائي ڪري جوابدار کي گرفتار ڪري ورتو.
