ايران لبنان ۾ جنگ بندي جي آجيان ڪئي آهي پر اهم معاملن تي آمريڪا سان اختلاف برقرار آهن.
الجزيره جي رپورٽ موجب ايراني صدر پاڪستاني وفد سان ملاقات دوران چيو ته آمريڪا جي بي اعتمادي ۽ ماضي جي معاهدن جي ڀڃڪڙين باوجود ايران ڳالهين جو رستو اختيار ڪرڻ جو فيصلو ڪيو آهي ۽ سڀ کان وڌيڪ ترجيح قومي مفاد آهي.
ايراني پرڏيهي وزارت جي ترجمان پڻ لبنان ۾ جنگ بندي جي آجيان ڪندي ان کي ايران ۽ آمريڪا وچ ۾ موجود مفاهمت جي تناظر ۾ هڪ مثبت پيش رفت قرار ڏنو.
تجزيه نگارن موجب اهي بيان ايران جي نرمي ۽ ڳالهين لاءِ رضامندي ظاهر ڪن ٿا.
بهرحال زميني حقيقت اها آهي ته ايران ۽ آمريڪا وچ ۾ ڪيترن ئي اهم معاملن تي سخت اختلاف آهن. خاص طور تي حساس مسئلا جهڙوڪ ايٽمي پروگرام، يورينيم جي ذخيرن، ۽ هرمز جي آبنائي حل ٿيل آهن.
ان کان علاوه بيلسٽڪ ميزائل پروگرام ۽ خطي ۾ ايران جا لاڳاپا به اهڙا نقطا آهن، جن تي ٻنهي ملڪن وچ ۾ واضح اختلاف آهي. ماهرن جو چوڻ آهي ته انهن مسئلن جي حل لاءِ مسلسل ۽ سنجيده ڳالهيون ناگزير آهن.
مبصرن موجب جيتوڻيڪ ايران طرفان هاڪاري اشارا مليا آهن پر ٻنهي ملڪن وچ ۾ اختلافن جي لسٽ ڊگهي آهي جنهن ڪري ڪنهن حتمي معاهدي تي پهچڻ مشڪل آهي.
